أئمائے اربعہ میں سے کسی ایک کی پیروی کرنے کی پابندی کیوں ہے؟

مسئلہ: أئمائے اربعہ میں سے کسی ایک کی پیروی

 کرنے کی پابندی کیوں  ہے؟۔  

السوال 

کیا فرماتیں ہیں علماء اکرام اس مسئلہ کے بارے میں

بعض لوگ کہتے ہیں چاروں امام حق پر ہیں تو ہم کسی کی بھی پیروی کریں ۔اس میں پابندی کیوں ہے ۔کہ جو امام اعظم کے پیروکار ہیں وہ کسی اور کی پیروی نہیں کرسکتے۔۔

ایسا کیوں ہے ۔۔

 المستفتی: عبد اللہ جموں

             بـسْمِ الـلّٰـهِ الـرَّحْـمٰـنِ الـرَّحِـيْـمِ.            

الــجـواب بـعـون الـلـه الـعـليم الـوهـاب وهـو الـمـوفـق لـلـحـق  و الــصـواب :

بے شک چاروں ائمۂ اسلام رحمهم الله تعالى اعلامِ امتِ مسلمہ، اعیانِ سلفِ صالحین ،اور اکابرین و اساطینِ اہلِ سنت سے ہیں، ان میں سے ہر ایک کی اتباع و اقتدا حق و درست ہے.

ہر مسلمان کو شرعاً یہ حق حاصل ہے کہ وہ غیر منصوص و مجتہد فیہ احکام و مسائل میں جس امام کی چاہے پیروی کرے، اس پر کوئی الزام ہے نہ ملامت، بلکہ وہ راہ صواب و جادۂ حق پر قراردیا جائے گا، لیکن یہ عجیب قسم کی بے عقلی اور انتہا درجہ کی حماقت ہوگی کہ جو خود کو سیدنا امام اعظم رضى الله تعالى عنه کا پیروکار کہتا ہو اور دوسرے کی پیروی کرتا ہو یا اس کی پیروی کا خیال رکھتا ہو. پیروی اسی کی ضروری ہے جس کا پیروکار ہے، ورنہ یہ دعویٰ جھوٹا ہوگا.

خیال رہے ہمارے ائمہ نے تلفیق و تشہی کو ناجائز و حرام قرار دیا ہے. وَالـلّٰـهُ تَـعَـالٰـي أَعْـلَـمُ بِـالـصَّـوَابِ.

كــتـــــــــــــــــــــبـــــــــــــــه الــــفـــــقـــــــيــــــر إلـــــــي ربـــــــــــــه الــــقــــديــــر :

أبـو الـحـسَّـان مُـحَـــمَّــــد اشــــتـــيـــاق الـــقـــادري

خـادم الإفـتـاء والـقـضـاء بـــجـــامــعـة مـديـنــة الـعــــــلـم ،كـــبـــيـــــر نــگــر ،دهــــــــلـي 94